न्यूजअफ मधेस,संवाददाता,कात्तिक ११ धनुषा । धनुषा जिल्लाको मिथिला नगरपालिका–६, ढल्केवरमा मोटरसाइकल दुर्घटना हुँदा एक जनाको मृत्यु भएको छ,भने अन्य चार जना घाइते भएका छन् ।
आज शनिबार करिब १२/१ बजे पूर्वबाट पश्चिमतर्फ गइरहेको बा ७९ प ४७५५ नम्बरको मोटरसाइकल र विपरीत दिशाबाट आइरहेको ज २ प ८३०१ नम्बरको मोटरसाइकल एकआपसमा ठोक्किएको ईलाका प्रहरी कार्यलय ढल्केवरले जानकारी दिए ।
ठक्करबाट बा ७९ प ४७५५ नम्बरको मोटरसाइकल चालक मिथिला नगरपालिका–१, लक्ष्मिनिवासका २८ वर्षीय राकेश राउतको मृत्यु भएको छ। राउतको जनकपुरस्थित काव्या अस्पतालमा उपचारको क्रममा मृत्यु भएको छ । सोही मोटरसाइकलमा पछाडि सवार सोही ठाउँका अजितकुमार यादवको टाउकोमा चोट लागेको छ,उहाँको उपचार भइरहेको छ ।
यसैगरी, ज २ प ८३०१ नम्बरको मोटरसाइकलमा सवार एक बालकसहित तीन जना घाइते भएका छन् । घाइते हुनुहुनेमा मिथिला नगरपालिका–६, ढल्केवरका ३८ वर्षीय अभय श्रेष्ठ, उहाँको श्रीमती ३२ वर्षीया मन्दिर श्रेष्ठ र १० वर्षीय छोरा आर्यन श्रेष्ठ रहेको छ । उनिहरुको उपचार ढल्केवरस्थित भोगेन्द्र मेडिकलमा भइरहेको ईलाका प्रहरी कार्यालय ढल्केवरले जानकारी दिए।
